Automotive Fair Albania do të rikthehet në sheshin “Nënë Tereza” dhe “Sheshi Italia” me edicionin e tij të 3-të gjatë datave 27-30 mars për të argëtuar të gjithë të apasionuarit e mjeteve moderne apo klasike, ku Geek Room do të jetë partner mediatik për herë të 2-të pas edicionit të 2-të tepër të suksesshëm.
Ky event është organizuar nga Ministria e Ekonomisë, Kulturës dhe Inovacionit në bashkëpunim me Drejtorinë e Përgjithshme të Shërbimeve të Transportit Rrugor, Ministrinë e Infrastrukturës dhe Energjisë si dhe Bashkisë Tiranë. Panairi i këtij viti synon të bashkojë zhvillimin ekonomik, ruajtjen e kulturës, inovacionin teknologjik dhe trashëgiminë e automjeteve historike, duke nxitur një ekosistem të shëndetshëm e të qëndrueshëm për industrinë e automjeteve në Shqipëri.
Automotive Fair Albania është shndërruar tashmë në një event i rëndësishëm, i cili ofron një mundësi unike për vizibilitet, bashkëpunim dhe inovacion. Në edicionin e kaluar ishin të pranishëm rreth 160,000 vizitorë të cilët panë nga afër më tepër se 370 makina moderne dhe klasike dhe mbi 110 makina garuese, të cilat dhuruan një shfaqje të jashtëzakonshme. Ky eveniment do të mund të shfrytëzohet si një mundësi për të tërhequr investime të huaja në këtë fushë. Operatorë të ndryshëm kanë mundësinë të prezantojnë produktet e tyre dhe të marrin ide të reja ose këshilla nga vizitorët që mund të jenë ekspertë të fushës ose vizitorë të zakonshëm.
Çfarë do të mund të shikojmë përgjatë 3 ditëve në Automotive Fair Albania?
Të enjten, më 27 mars në orën 19:00, do të organizohet ceremonia e hapjes zyrtare të Automotive Fair Albania III me një atmosferë festive që do të pushtojë sheshin “Nënë Tereza”, ku do të ekspozohet koleksioni i automjeteve Retro.
Ditën e premte, aktiviteti do të nisë që në orën 12:00 deri në 18:00 me zhvillimin e gjysmëfinales dhe finales së garës për Best Young Driver. Pas përfundimit të këtij aktiviteti, do të nisë dhe ceremonia zyrtare e hapjes së Tirana Grand Prix, ku do të kemi një paradë të automjeteve të cilat do të marrin pjesë në garimin që do të organizohet gjatë ditës së shtunë, më 29 mars.
Gara Manche III, ose finalja e Tirana Grand Prix do të organizohet ditën e dielë në orën 9:30, dhe pas përfundimit të kësaj gare, fituesit do të marrin pjesë në ceremoninë e ndarjes së çmimeve në sheshin Nënë Tereza.
Është një mundësi unike për shkëmbimin e përvojave, vizibilitet, komunikim dhe bashkëpunime të reja, si dhe një përvojë ndërkombëtare e jashtëzakonshme.
