Shpeshherë YouTube shfaq “vetem” 2 reklama para se një video të nisë. Mirëpo gjatë javëve të fundit, disa përdorues kanë raportuar në rrjetet sociale se po përballen me 5, 8 apo 10 reklama rrjesht që nuk mund të bëhen skip.
Një përdorues i cili u përball me 8 reklama të pakalueshme gjatë shikimit të një videoje tha se çdo reklamë ishte 5 deri në 10 sekonda e gjatë. Kjo ngarkesë e madhe me reklama po ngre shumë shqetësime tek përdoruesit, të cilët tashmë do të duhet të shikojnë akoma më tepër reklama para se të ndjekin videon që dëshirojnë.
Mirëpo platforma nën pronësinë e Google tregoi për PCMag se rritja e menjëhershme e numrit të reklamave në YouTube ishte thjeshtë një testim.
youtube just gave me 5 long unskipable ads pic.twitter.com/FgUUrzZvoB
— The Ricked One (@LoganC01962550) September 8, 2022
“Ne në YouTube jemi të fokusuar në ndihmimin e brendeve të ndryshme që të ndërlidhen me audiencat në të gjithë botën, dhe po testojmë vazhdimisht mënyra të reja për të shfaqur reklama që përmirësojnë eksperiencën e ndjekësve.” tha një zëdhënës i YouTube në deklaratë. “Ne nisëm një eksperiment të vogël që paraqiste disa reklama të njëpasnjëshme kur përdoruesit shikonin një video në TV. Qëllimi është që të krijojmë një eksperiencë më të mirë për ndjekësit duke reduktuar pushimet e reklamave.”
Pra, me pak fjalë, qëllimi i YouTube është vendosja e reklamave njëra pas tjetrës që në fillim të videos, në vend që ato të shfaqen midis saj.
