YouTube po përpiqet të ndjekë të njejtin drejtim si TikTok për sa i përket videove të shkurtra, dhe për të tërhequr sa më tepër krijues të tillë në platformë YouTube ka deklaruar se do të nisë të shpërndajë një pjesë më të madhe të fitimeve nga reklamat me krijuesit më të njohur.
Neal Mohan, CPO i YouTube, tha ditën e martë gjatë eventit të përvitshëm “Made on YouTube” se duke nisur nga viti i ardhshëm, kompania do të paguajë një pjesë të fitimeve të gjeneruara nga Shorts, të cilat do të ndahen drejt krijuesve të videove më të ndjekura në platformë.
“Kjo është hera e parë që po bëhet shpërndarja e fitimeve nga reklamat për videot e formatit të shkurtër.” tha Mohan.
Nuk është ende shumë e qartë se cila do të jetë shuma që do t’i shpërndahet krijuesve të Shorts, pasi informacionet janë ende të limituara. YouTube tha se çdo muaj do të bashkojë fitimet e gjeneruara nga reklamat. Nga kjo shumë, një përqindje ende e paditur do të ndahet me fituesit, dhe YouTube do të paguajë 45% të kësaj shume.
Krijuesit mjaft të famshëm prej kohësh kanë arritur të fitojnë para në platformën e YouTube duke vendosur reklama në videot e tyre duke mbajtur një përqindje të reklamave. Deri më tani, mënyra e vetme për të fituar para nga Shorts është përmes Shorts Fund prej $100 milionësh që u lançua vitin e kaluar.
