Walmart ka nisur t’i ofrojë klientëve një eksperiencë më të avancuar të blerjeve online përmes shërbimit të ri i cili i lejon klientët të shikojnë se si veshje të caktuara i përshtaten trupit të tyre.
Fillimisht Walmart ofronte shërbimin “Choose My Model”, nga ku përdoruesit përzgjidhnin midis 50 modeleve trupore që mendonin se iu përshtateshin për të shikuar se si do të dukeshin rrobat në trupin e tyre. Tashmë në fazën më të re “Be Your Own Model”, përdoruesit mund të provojnë më tepër se 270,000 veshje apo aksesorë në trupin e tyre, mirëpo do të duhet të ngarkojnë në aplikacion një fotografi të tyren vetëm me të brendshme ose me veshje të ngushta në mënyrë që shërbimi të funksionojë në mënyrë korrekte.
“Kjo eksperiencë lejon klientët të përdorin fotografinë e tyre për të vizualizuar akoma dhe më mirë se si rrobat do t’i rrinë në trup, dhe i shndërron blerjet në një lojë tepër tërheqëse për klientët.” tha zëvëndës presidentja e Walmart, Denise Incandela.
Ndryshe nga teknologjia e mëparshme ku fotoja do të vendosej mbi një model të gatshëm, “Be Your Own Model” përdor algoritme dhe machine learning për të arritur një përshtatje shumë korrekte.
