Emoji-t tani janë një pjesë e pandashme e komunikimit tonë të përditshëm. Ato janë gjithashtu shumë të përdorura dhe në platformat dating, dhe tregohet se 81% e përdoruesve të Tinder përdorin emoji-t për të komunikuar me partnerët potencialë.
Prandaj Tinder ka vendosur të tregojë se cilat janë emoji-t më të përdorura në bio-t e përdoruesve të saj. Fytyra e qeshur me lot qëndron në krye të listës, me shumë përdorues që e vendosin këtë emoji për të treguar se po kërkojnë për një partner që i bëjnë të qeshin.
Mirëpo shumë të përdorura janë dhe emoji të tjera të cilat nuk kanë një kuptim kaq të drejtpërdrejtë. Emoji i dytë në listën e më të përdorurave është një person i cili ngre supet.
“Origjinaliteti është tepër i rëndësishëm në takimet e përdoruesve në vitin 2023, dhe beqarët mbajnë një qëndrim ku dëshirojnë që secili të jetë vetëvetja në çdo situatë,” shpjegon Tinder. “Nëse tentativa e tyre për t’u njohur nuk shkon siç duhet, ato thjeshtë ngrenë supet lart dhe vazhdojnë jetën e tyre.”
Ndër emoji të tjera shumë të përdorura në Tinder janë dhe emoji që shkel syrin apo ajo e fantazmës. Në vendin e pestë renditet emoji me sy, e cila përdoret nga beqarët të cilët ndihen shumë “flirtues”.
