TikTok ka nisur të testojë një shërbim që i lejon përdoruesit të bëjnë dislike komente të veçanta nën video. Kjo gjë u konfirmua përmes një postimi të bërë në blog, ku platforma tregon se përdoruesit mund ta përdorin këtë shërbim mbi komentet që i duken të papërshtatshme apo të parëndësishme”.
“Ky reagim nga komuniteti i TikTok do të ndihmojë në mbajtjen e një seksioni komentesh ‘të pastër’ që kanë lidhje me përmbajtjen e paraqitur.” thotë TikTok. Momentalisht përdoruesit mund të bëjnë dislike video të ndryshme në platformë për t’i treguar algoritmit mjaft të avancuar të TikTok se nuk janë të interesuar në këtë lloj përmbajtjeje.
Butoni dislike për komentet duket të ofrohet së bashku me opsionin për të raportuar një koment për shkelje të rregullave të komunitetit.
Kompania tregon se po eksperimenton gjithashtu me dërgimin e njoftimeve kujtuese rreth shërbimeve si filtrimi i komenteve dhe bllokimi në masë për të gjithë krijuesit që marrin një numër të madh komentesh negative. Vendimi se kur ky shërbim do të mund të përdoret nga krijuesit do të merret në javët në vazhdim.
Përmes raportit të transparencës, TikTok lajmëroi se ka fshirë mbi 85 milionë video nga platforma nga muaji tetor deri në dhjetor të 2021 (rreth 1% të të gjithë videove të postuara në platformë) pasi ato binin ndesh me politikat e TikTok.
