LinkedIn, rrjeti profesional i njohur për listimin e vendeve të ndryshme të punës dhe këshillave për karrierën, ka vendosur të përfshijë lojëra në platfomë. Lojrat më të reja do të jenë të stilit puzzle të ngjashme me Wordle, dhe lajmi zyrtar vjen disa javë pasi ato u panë për herë të parë në aplikacion.
Kompania po fillon me tre lojëra: Pinpoint, një lojë fjalësh ku lojtarët duhet të marrin me mend temën që lidh një sërë fjalësh së bashku; Queens, një lojë puzzle që është paksa si një kryqëzim midis Sudokut dhe Minesweeper; dhe Crossclimb, një lojë e vogël që përfshin hamendjen e një serie fjalësh me katër shkronja dhe vendosjen e tyre në rendin e duhur.
Për t’i provuar këto lojra, klikoni këtu.
LinkedIn i përshkruan ato si “lojëra të orientuara drejt të menduarit“, megjithëse formati ka të ngjarë të duket i njohur për fansat e aplikacionit “The New York Times Games“. Çdo lojë mund të luhet vetëm një herë në ditë dhe lojtarët mund të ndajnë rezultatin e tyre me miqtë në mesazhe të lezetshme të mbushura me emoji.
:no_upscale():format(webp)/cdn.vox-cdn.com/uploads/chorus_asset/file/25427569/image003.gif)
Shërbimi gjithashtu do të ruajë një “streak” për të inkurajuar lojtarët të kthehen çdo ditë. Duke pasur parasysh ngjashmëritë, nuk duhet të jetë befasuese që lojërat u zhvilluan nga ekipi i lajmeve të LinkedIn, i cili kohët e fundit punësoi një redaktues të dedikuar të lojërave.
Lojërat kanë qenë një përfitim për The New York Times që kur bleu Wordle në 2022, dhe botime të tjera janë përpjekur ta imitojnë atë sukses me grupin e tyre të lojërave me fjalë dhe enigma. Dan Roth tha se frymëzimi për të përfshirë këto lojra në platformë erdhi nga “fjalëkryqi i parë” në gazetën New York World më shumë se 100 vjet më parë. Ai shtoi se aktualisht nuk ka plane për një aplikacion të pavarur lojrash.
