Sa i keq është Instagram për shëndetin mendor të përdoruesve më të rinj? Kjo është një pyetje mjaft e rëndësishme, pasi dhe Facebook ka shprehur hapur planet e saj për të krijuar një aplikacion për fëmijët.
Një raportim nga Wall Street Journal sugjeron se bazuar në studimin e brendshëm të Facebook (e cila sigurisht nuk e shpërndan me publikun), rrjeti social është mjaft i dëmshëm për shëndetin mendor të adoleshentëve.
Adoleshentët e vlerësojnë Instagram si një “mjet krahasues social”, ku një njeri arrin të gjykojë vlerat dhe suksesin e personave të tjerë në bazë të postimeve të tij. Vajzat adoleshente përballen me pamje të trupit ideal në Instagram të cilat shfaqen si reklama dhe ndikojnë negativisht në shëndetin mendor të tyre. Në një slide të prezantimit të Facebook thuhej: “Ne i bëjmë problemet në lidhje me pamjen e trupit më keq për 1 nga 3 vajza.”
Këtu ne do të përmendim disa nga pikat kryesore që Facebook kishte shtruar në këtë prezantim.
- Një studim nga Facebook, ku morën pjesë adoleshentët nga SHBA dhe Mbretëria e Bashkuar, zbuloi se më tepër se 40% e e personave që ndihen “jo tërheqës” tregojnë se këto ndjenja u shfaqën në momentin kur filluan të përdorin Instagram.
- Studimi tregon se Instagram krijon një” krahasim social” më të theksuar se sa aplikacionet e tjera si TikTok apo Snapchat.
- Adoleshentët në Facebook tregojnë se ndihen të varur pas Instagram dhe se dëshirojnë ta përdorin më pak rrjetin social, mirëpo nuk kanë një kontroll vetjak të mjaftueshëm për të arritur këtë qëllim.
- Adoleshentët fajësojnë Instagram për rastet e rritura të ankthit dhe depresionit.
- Facebook zbuloi gjithashtu se 13% e përdoruesve Britanikë dhe 6% e përdoruesve nga SHBA kanë patur mendime në lidhje me vetëvrasjen.
Facebook duket sikur ka bërë disa ndryshime për përmirësimin e situatës, duke eksperimentuar me numrin e Likes në postime, por kjo gjë nuk ka patur një impakt të mjaftueshëm tek adoleshentët.
