Pasi të gjithë konkurentët e Spotify kanë vendosur të rrisin çmimet e abonimeve në SHBA, CEO i Spotify, Daniel Ek i lajmëroi investitorët se e njejta gjë mund të ndodhë dhe në shërbimin më të përdorur në botë për transmetimin e këngëve.
Ek tha se ngritja e çmimeve në SHBA “është një ndër gjërat që ne mendojmë të bëjmë pas konsiderimit me partnerët”. Kjo lëvizje vjen pasi Spotify lajmëroi një situatë mjaft të mirë gjatë 3 mujorit të tretë. Kompania mposhti të gjitha parashikimiet duke rritur fitimet me 21% në $3 miliardë nga viti në vit.
Megjithatë, ulja e tregut të reklamave dhe investimet e mëdha në këtë platformë kanë bërë që marzhet bruto të bien me 24.7%. Për këtë 3 mujor kompania lajmëroi një humbje operacionale prej $227.3 milionë.
Më herët gjatë kësaj jave dhe Apple Music tregoi se çmimet e abonimeve do të rriteshin me $1 në muaj, duke e çuar çmimin në $10.99 në muaj për planin individual. Në planin familjar çmimi do të rritet me $2 në muaj.
Gjithashtu dhe çmimi i abonimit në Apple TV do të rritet me $2 në muaj, nga $4.99 në $6.99.
Në Google, plani i abonimit në YouTube Premium Family do të ketë një çmim 27% më të lartë, nga $17,99 në $22,99.
