Snapchat po prezanton një shërbim të ri të quajtur Home Safe, që ndihmon përdoruesit të njoftojnë miqtë e tyre kur kanë mbërritur të sigurt në shtëpi. Ky shërbim përdor aftësitë ekzistuese të ndarjes së vendndodhjes dhe dërgon njoftime automatike në biseda me miqtë, pa pasur nevojë të dërgohet mesazh manualisht.
Ndryshe nga ndarja e vazhdueshme e vendndodhjes që përdoret në aplikacione si WhatsApp apo Messenger, Home Safe dërgon vetëm një njoftim kur përdoruesi mbërrin në shtëpi dhe më pas çaktivizohet automatikisht. Kjo do të thotë që miqtë nuk kanë pse të kontrollojnë vazhdimisht për të parë nëse personi ka arritur.
Shërbimi është gjithashtu i kujdesshëm ndaj privatësisë, pasi funksionon vetëm me ata persona me të cilët përdoruesi tashmë ndan vendndodhjen në Snapchat. Përdoruesi zgjedh vetë se kujt do t’i dërgohen njoftimet Home Safe.
Për të përdorur këtë shërbim, përdoruesi duhet fillimisht të caktojë vendndodhjen e shtëpisë duke shtypur mbi Bitmoji-n në Snap Map dhe duke zgjedhur “My Home.” Më pas, kur fillon rrugën për në shtëpi, ai mund të shtypë ikonën e Hartës në bisedë dhe të zgjedhë butonin “Home Safe.” Snapchat do të dërgojë automatikisht një njoftim të vetëm sapo përdoruesi të mbërrijë në shtëpi.
Kjo veçori është veçanërisht e dobishme për të njoftuar të afërmit që jeni të sigurt, veçanërisht natën ose kur udhëtoni vetëm, duke forcuar përpjekjet e Snapchat për sigurinë dhe mirëqenien digjitale.
