WhatsApp ka lajmëruar se do të sjellë në platformë disa shërbime të reja të cilat do të përmirësojnë krijimin e sondazheve si dhe do të ofrojë më tepër opsione kur vjen puna tek captions. Këto përmirësime kanë nisur tashmë të lançohen në mbarë botën dhe do të jenë të aksesueshme nga të gjithë përdoruesit gjatë javëve në vijim.
Krijimi i sondazheve ka qenë i mundshëm që në vitin e kaluar, dhe njerëzit kishin mundësinë që të zgjidhnin disa rezultate njëkohësisht. Kjo mundësi ishte mjaft e mirë në rastet kur krijohej një sondazh në lidhje me datat kur ata janë të lirë, por nuk është shumë i përshtatshëm në rastet kur duhet të zgjidhet vetëm një opsion. Për këtë arsye, WhatsApp do të prezantojë një opsion të ri “Allow Multiple Answers” që mund të çaktivizohet nëse nuk dëshironi një gjë të tillë.
Gjithashtu ju do të keni mundësinë të kërkoni për sondazhet shumë më lehtë falë opsionit të ri që do të kërkojë vetëm për sondazhe në chat-et tuaja.
Përmirësimi i rradhës do të lehtësojë shpërndarjen në masë të një fotografie apo videoje, pasi tashmë WhatsApp do të lejojë shpërndarjen e tyre së bashku me caption-in që ju shënoni. Një gjë e tillë do të vlejë dhe për shpërndarjen e dokumenteve.
