Instagram ka nisur të testojë një shërbim të ri i cili ju lejon të publikoni një tekst në formën e statusit drejt ndjekësve tuaj. Me sa duket ky shërbim ka nisur të shpërndahet drejt më shumë përdoruesve të versionit beta, siç raporton XDA Developers.
Mendohet se kur shërbimi të jetë i disponueshëm për të gjithë përdoruesit, do të shfaqet në seksionin e mesazheve në aplikacion, poshtë vvendit të kërkimit. “Share what’s on your mind…” lexohet në këtë shërbim të ri. “Njerëzit nuk do të njoftohen kur ju lini një shënim. Ky shënim mund të shikohet prej tyre brenda 24 orësh dhe ato mund t’i përgjigjen shënimit tuaj.”
Natyra e zhdukjes së këtyre statuseve i bën ato të duken si një version me tekst i Instagram Stories, e cila zakonisht përdoret për publikimin e fotove apo videove. Mbetet për t’u parë se cili do të jetë reagimi i përdoruesve të Instagram ndaj këtij shërbimi. A do të përdoret ai për arsye praktike, apo do të jetë një metodë e re flirtimi?
Një zëdhënës tregoi: “Ne po punojmë gjithmonë për të përmirësuar ndërlidhjen në Instagram. Tashmë ne po testojmë Notes në mënyrë që njerëzit të shpërndajnë në mënyrë të shpejtë mendimet e tyre me miqtë, fillimisht me një grup të vogël.”
TechCrunch raportoi në qershor të këtij viti për ekzistencën e këtij shërbimi, mirëpo fakti që ky shërbim ka arritur të testohet në disa pajise të ndryshme të XDA Devs tregon se ai është përhapur në më shumë përdorues.
