Termi "Link in Bio" lindi nga Instagrami dhe mungesa e mundësisë për të vënë linqe të klikueshëm nëpër përshkrime të fotove apo videove. Profilet me mbi 10.000 ndjekës mund të hedhin linqe me "swipe up" në stories por të gjithë të tjerët duhet të mjaftohen me një link të vetëm në bio.

Sipas një patente të zbuluar në 8 shtator 2020, Instagram mund të jetë duke testuar vendosjen e linkut në caption, por kundrejt një pagese. Pamjet e para tregojnë se sistemi do të kërkojë $2 për link.

Kjo do të mabnte sidoqoftë estetikën e ruajtur deri më tani nga platforma, ku vetëm linqet serioze ose ato të destinuara për biznes do të jenë prezent në të.
Tarifë mund të jetë e sheshtë ose mund të ndryshojë në varësi të numrit të ndjekësve. Ose mundet të ndryshojë edhe nga kategoria, një biznes do të duhet të paguaje dhe ndoshta një përdorues i lirë jo.

Mungesa e linqeve të klikueshëm është kritikuar vazhdimisht nga përdoruesit ndoshta gjërat do të ndryshojnë më në fund. Megjithatë jo çdo patentë vihet në zbatim ndaj mbetemi në pritje.