October 18, 2021

Apple kërcënoi Facebook se do të hiqte aplikacionin nga App Store pas shqetësimeve të trafikimit të qenieve njerëzore

Apple kërcënoi Facebook se do të hiqte aplikacionin nga App Store pas shqetësimeve të trafikimit të qenieve njerëzore

Pas publikimit të një raportimi nga BBC që detajonte mënyrën se si trafikuesit e qenieve njerëzore po përdorin Facebook për të shitur viktima, Apple kërcënoi Facebook me heqjen e aplikacionit nga App Store.

Më pas Wall Street Journal fitoi akses në disa dokumenta të kompanisë që tregonin se Facebook kishte ngritur një ekip investigues për të goditur tregun e trafikimit të qenieve njerëzore në Lindjen e Mesme, organizatorët e të cilit përdorin shërbimet e Facebook.

Një memo e brendshme tregoi se Facebook ishte në dijeni të kësaj praktike dhe më parë. Një kërkues në Facebook shkruajti në një raportim në 2019 “A ishte i ditur ky problem nga Facebook para interesimit të BBC dhe Apple?”. Më poshtë lexohej përgjigjja: “Po. Në vitin 2018 ne kryem Understanding Exercise për të kuptuar se si robëria e brendshme shfaqej në platformë në format si rekrutimi dhe shfrytëzimi.”

Wall Street Journal tregon gjithashtu në raportimin e saj se moderatorët e përmbajtjeve në Facebook nuk mund t’i njohin të gjitha gjuhët e përdorura në platformë, duke e bërë më të vështirë monitorimin e përmbajtjeve në tregjet e huaja. Paaftësia për të njohur të gjitha gjuhët bëri të mundur që kartelet e drogës dhe trafikuesit e qenieve njerëzore të përdorin platformën për të lehtësuar punën e tyre.

Saturday, 18 September 2021 00:06 Last modified on Saturday, 18 September 2021 10:28

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Bekim Haveriku 
Xhonald Mamo