Një grup krijuesish dhe koleksionuesish të NFTs do të jenë në gjendje të shfaqin produktet e tyre në Instagram. CEO i Meta, Mark Zuckerberg konfirmoi përmes një postimi ditën e sotme se kompania ka nisur testimin e NFTs në platformë, dhe një shërbim i ngjashëm do të shfaqet dhe në Facebook.
Drejtuesi i Instagram, Adam Mosseri, tregoi në një video se një grup i vogël përdoruesish në SHBA do të kenë mundësinë të shfaqin NFTs në feed, stories të tyre apo dhe në DM. Detajet e NFT do të shfaqen në një mënyrë të ngjashme me profilet apo produktet e bëra tag në një postim, dhe do të quhen “Digital collectibles”. Klikimi mbi tag do të shfaqë emrin e krijuesit dhe të pronarit të një NFT të caktuar.
This week we’re beginning to test digital collectibles with a handful of US creators and collectors who will be able to share NFTs on Instagram. There will be no fees associated with posting or sharing a digital collectible on IG.
See you next week! ✌? pic.twitter.com/VuJbMVSBDr
— Adam Mosseri (@mosseri) May 9, 2022
Testimi po kryhet aktualisht në një shkallë të vogël për të mësuar akoma më tepër nga feedback-u i komunitetit. Asetet dixhitale në blockchains Ethereum dhe Polygon do të mbështeten fillimisht nga platforma, dhe më pas do të shtohet suporti për Solana dhe Flow së shpejti. Kjo gjë u bë e ditur nga zëdhënësja e kompanisë, Chritine Pai.
Mosseri tregon se prania e NFTs në Instagram mund të ndihmojë në prezantimin e kësaj teknologjie drejt një numri më të madh personash.
