Inteligjenca artificiale gjeneruese po vjen në një produkt tjetër të Google. Këtë herë, bëhet fjalë për Maps.
Të enjten, gjigandi i teknologjisë njoftoi një shërbim të ri në Google Maps që integron modele të mëdha gjuhësore (LLM) brenda funksionit të aplikacionit. Nëse jeni duke kërkuar për restorante, aktivitete, shopping, etj. në afërsi, mund të kërkoni për vende të tilla duke komunikuar me Maps për “vende picash pa gluten që lejojnë praninë e qenve“.
Ky shërbim në Google Maps do të analizojë të dhënat e regjistruara në platformë, duke përfshirë informacionin e biznesit, vlerësimet dhe komentet e kontribuesve – dhe fotot për t’ju dhënë një përmbledhje të rezultateve të krijuara nga AI. “Eksperimenti i hershëm” fillimisht do të jetë i disponueshëm për disa Local Guides të zgjedhur për të mbledhur informacione dhe komente. Ky do të jetë një hap vendimtar pasi përgjigjet gjeneruese të AI shpesh nuk janë të sakta.
Inteligjenca artificiale gjeneruese për Google Maps vazhdon në të njëjtin drejtim me shërbimet e tjera të lançuara së fundmi për të ofruar përmbledhjen e reviews. Amazon ka një mjet që tregon pikat kryesore të përmendura në reviews të produkteve.
Është një hap tjetër logjik për kompanitë që kërkojnë të shfrytëzojnë aftësitë gjeneruese të AI në mënyra miqësore ndaj konsumatorit. Por, siç është evidente në shërbimin e Amazon, përmbledhjet gjeneruese të AI nuk janë gjithmonë të besueshme. Ekziston gjithashtu shqetësimi se përmbledhjet e krijuara nga AI janë shpesh gjenerike dhe tepër të thjeshtuara, gjë që nuk është e dobishme për përdoruesit që kërkojnë perspektiva të ndryshme.
