Google dhe një grup i kompanive më të rëndësishme të telekomunikacionit në Evropë në një letër dërguar Komisionit Evropian arsyetuan se iMessage shërben si “një urë e rëndësishme lidhëse midis përdoruesve të biznesit dhe klientëve të tyre” dhe duhet të trajtohet si një shërbim “thelbësor” nën Aktin e ri të Tregjeve Dixhitale të BE-së (DMA).
Përcaktimi si një “shërbim i thelbësor” do të ishte i rëndësishëm për iMessage, pasi mund ta detyronte Apple ta bëjë atë të ndërveprueshëm me platformat e tjera të mesazheve. Letra vjen në një kohë kur Komisioni Evropian po heton nëse iMessage plotëson kërkesat për t’u rregulluar sipas rregullave strikte DMA. Google ka shprehur hapur dëshirën e saj që Apple të suportojë teknologjinë RCS, standardin e mesazheve cross-platform të njohur si pasardhës i SMS-ve, me fushatën e saj #GetTheMessage.
“Ekskluziviteti i iMessage në Apple është një strategji e dokumentuar,” tregoi zëvendëspresidenti i lartë i Google Hiroshi Lockheimer në X, i njohur atëherë si Twitter, vitin e kaluar. “Presioni i ushtruar dhe bullizimi nga kolegët që përdorin produktet e Apple si një mënyrë për të shitur produkte është e pasinqertë për një kompani që ka njerëzimin dhe barazinë si pjesë thelbësore të marketingut të saj. Standardet ekzistojnë sot për ta rregulluar këtë.”
Aplikacioni iMessage i Apple tashmë mund të dërgojë mesazhe në platforma të ndryshme përmes SMS. Por veçoritë e përmirësuara të iMessage si enkriptimi dhe dërgimi i fotove dhe videove me cilësi më të mirë, janë ekskluzive për ekosistemin e Apple. Përdoruesit e Apple iMessage komunikojnë me flluska blu të pasura me veçori, ndërsa të gjithë të tjerët komunikojnë përmes mesazheve me një ngjyrë të gjelbër, që krijon një ndasi mjaft të dukshme midis përdoruesve të Apple dhe Android, dhe që krijon një presion tek përdoruesit e Android që të blejnë produktet e Apple.
