Google merr tashmë përditësimin më të fundit dhe brenda pak ditësh duhet të kalojmë të gjithë në Chrome 85. Përmirësimet janë të shumta.
Versioni i ri do të jetë mesatarisht 10% më i shpejtë në Mac dhe Windows. Kjo mundësohet nga Profile Guided Optimization, një teknikë e cila pjesët më kritike të kodit i bën të punojnë më shpejtë, edhe më shpejtë duhet të punojë kur CPU-ja ka për detyrë të punojë me disa skedarë apo programe hapur.
Tab Throttling është duke u testuar, një opsion i cili do rishpërndajë burimet në dispozicion të skedarëve më pak të përdorura drejt atyre më aktive. Kjo do të sjellë shpejtësi karikimi, kursim baterie dhe memorie.
Tab Groups do të sjellin tashmë mundësinë për të rigripuar skedarët dhe për t’i emëruar ata. Një opsion mjaft i kërkuar.
Një përditësim i cili do të na ndryshojë jetën literalisht ka të bëjë me PDF dhe aftësinë për t’i modifikuar ato. Lexuesi i PDF i Chrome do të të lejojë të plotësosh formularë të ndryshëm e më pas t’i shkarkosh si dokument origjinal apo të modifikuar.
Këto dhe lehtësira të tjera pritet të vijnë në Chrome 85, të kuptohemi nuk duhet të rishkarkosh aplikacionin, browseri do të përditësohet vetë.
Të shohim nëse ndryshimet do të sjellin shpejtësinë e pretenduar por nga ana tjetër edhe menaxhimin më ekonomik të baterisë e memories së pajisjes sonë, aq shumë të kërkuar së fundmi.
