New Product Experimentation, skuadra e palodhur e Facebook, sjell një tjetër aplikacion krejt interesant i cili ka për shenjestër TikTok, por është goxha ndryshe.
Duke marrë konceptin e krijimit të videove së bashku pa qenë në të njejtin vend, Collab fokusohet më shumë tek ana muzikore e videos. Krijuesit do të kenë mundësi të krijojnë, shohin, miksojnë dhe të kombinohen me video origjinale duke u përpjekur të sjellin një produkt muzikor. Ai suporton edhe futjen e aparateve të jashtëm si tastiera, kitara e të tjera instrumenta elektrike.
Një collab do të jetë një video 15 sekonda me deri në 3 pjesëmarrës. Numri i personave në video është diçka e re në fushën e platformave të llojit.
Aplikacioni ishte fillimisht në një fazë beta të mbyllur me ftesa vetëm që në maj, por tani pasi ka marrë edhe reagimin e testuesve vjen si një produkt solid gati për tregun e mbizotëruar nga TikTok dhe Reels.
Ah, po, për momentin është i disponueshëm vetëm për iOS, dhe vetëm në AMERIKË.
