Elon Musk ka treguar se Twitter së shpejti do të vendosë një tarifë të vogël për të gjithë përdoruesit komercialë dhe adresat zyrtare të qeverive.
“Twitter do të jetë gjithmonë falas për përdoruesit normal, mirëpo për sa i përket përdoruesve komercialë apo përdoruesve të qeverisë mund të ketë një tariftë të vogël përdorimi.” tha Musk përmes një tweet-i. Ai shtoi gjithashtu se “disa të ardhura janë më mirë se aspak të ardhura”.
Twitter will always be free for casual users, but maybe a slight cost for commercial/government users
— Elon Musk (@elonmusk) May 3, 2022
Këto sugjerime për ndryshime në Twitter erdhën pasi disa deputetë britanikë ftuan multimiliarderin që të diskutojë propozimet e tij mbi platformën para një komiteti parlamentar. Deputeti Julian Knight tha: “Unë po shfrytëzoj këtë mundësi duke ju ftuar të flisni para komitetit tonë dhe të diskutojmë akoma më tej propozimet tuaja. Unë e di se ju keni shprehur dëshirën që kritikuesit tuaj më të mëdhenj të vazhdojnë të përdorin Twitter, dhe kjo mund të jetë një mundësi mjaft e mirë për t’i adresuar këto kritika me publikun.”
Në disa publikime të bëra që tashmë janë fshirë, Musk propozoi disa ndryshime dhe në shërbimin premium Twitter Blue, si ulja e tarifave, dënimin e reklamimit dhe ofrimi i një opsioni për të bërë pagesa përmes dogecoin. Gjithashtu Musk pritet të luftojë ashpër me bots, dhe premton zhdukjen e tyre përmes vërtetimit të të gjithë humanëve në platformë.
