Siç edhe mund ta kesh marrë vesh nga çdo portal në planet, Joe Biden është tashmë President i Shteteve të Bashkuara të Amerikës. Bashkë me karrigen e pushtetit ai do të marrë edhe profilin zyrtar në Twitter. Nëse mendove se presidenti i U.S.A do të krijojë një llogari të vetën duke u përpjekur si pjesa tjetër e botës të gjejë një pseudonim të vlefshëm, jo, e ke gabim.
Adresa @POTUS (President Of The United States) ishte në përdorim nga Donald Trump deri në momentin që ai u bllokua nga çdo platformë e planetit. Ai e trashëgoi atë nga Barack Obama, i cili është edhe presidenti i parë me një adresë zyrtare në Twitter. Në momentin e dorëzimit, profili kishte 13.7 milion ndjekës, më pas pa një rënie me 4 milion e sigurisht e mori veten në vijim, deri në fund të mandatit të Trump ajo arriti 33 milion ndjekës.
Por mesa duket Twitter ka vendosur që bashkë me llogarinë, të mos trashëgohen më ndjekësit. Pas betimit të Joe Biden të gjithë ndjekësit e faqes u zeruan, por brenda ditës arritën në 1 milion.
Në vend të kësaj, Twitter do t’i sugjerojë ndjekësve të @JoeBiden që të ndjekin edhe @POTUS. Sapo të fshihet gjithçka në të dhe të ndërrohet fjalëkalimi ajo do i pasohet skuadrës së rrjeteve sociale të presidentit të ri. Të shohim sa ndjekës do të gjenerojë Biden.
