Për fat të mirë, teknologjia ka avancuar aq shumë sa që ne të kemi mundësinë të shikojmë parashikimin e motit për ditët në vijim përmes smartphone-it tonë. Në Play Store gjenden shumë aplikacione të ndryshme të cilat kanë të njejtin qëllim, mirëpo ne sot do t’ju tregojmë se cilët janë 3 aplikacionet më të mirë për parashikimin e motit në Android.
Carrot
Ky aplikacion ndoshta njihet më tepër për personalitetin e tij se sa për parashikimin e motit, pasi ofron komentim në audio ose në tekst të asaj që parashikohet të ndodhë gjatë ditës. Në fakt, ju keni mundësinë të regjistroni preferencat e tuaja të personalitetit (miqësor, i zymtë, vrastar apo shumë të tepruar) dhe të arsyetimit politik (liberal, konservativ, komunist ose apolitik) sipas dëshirës që keni.
Aplikacioni përdor Dark Spy API për të grumbulluar të dhënat. Ky aplikacion është falas, por ka reklama në të cilat mund t’I “largoni” për $3.99 në vit.
1Weather
1Weather është një aplikacioni i mirënjohur që ofron ekrane të ndryshme me informacione rreth motit aktual, parashikimit të tij, lindjen dhe perëndimin e diellit e shumë të tjera. Ndërfaqja është kryesisht pak e tejmbushur me informacion, por kjo gjë tregon se ju do të jeni të mirëinformuar. Për fat të keq reklamat shfaqen në vende të ndryshme gjatë rëshqitjes dhe zënë shumë vend duke iu bezdisur disi, por aplikacioni mund të shkarkohet falas.
AccuWeather
AccuWeather përdoret nga shumë stacione televizive për të marrë informacione rreth parashikimeve të motit. Ky aplikacion ka një ndërfaqje tërheqëse që ofron akses të menjëhershëm të temperaturave të vërteta dhe të asaj që ndjehet. Ju mund t’i shikoni parashikimet në bazë të orës ose ditëve të ndryshme. Aplikacioni mund të shkarkohet falas, por për versionin pa reklama duhet të paguani $8.99.
