Duke shfletuar të dhënat për smartphonin tënd të ri, një vëmendje të veçantë e merr gjithmonë kamera. Sa më shumë piksela aq më e mirë ajo. Epo, ndoshta kjo nuk është plotësisht e vërtetë, numri i lartë MP është një strategji marketingu e mbetur nga vitet 2000 kur kamerat mateshin njësoj.
Por sot kur kompanitë prodhuese të smartphonëve kombinojnë lenten dhe software me pikselat, gjërat kanë më shumë nuanca.
Imazhet përbëhen nga pika me informacion vizual të quajtura piksel, të shprehura në miliona, ndaj marrin edhe emrin megapiksel. Fotot e videot vijnë në formate të ndryshme 16:9, 3:2, 4:3, çka përcakton edhe mënyrën si këto piksela renditen. E sa më i lartë numri i tyre aq më mirë paraqiten ato në ekranet e fundit e më e lehtë të printohen.
Por imazhet më të mira nuk varen vetëm nga numri më i lartë MP. Problemi qëndron tek madhësia e sensorit, i cili në një smartphone nuk ka si të jetë shumë i madh. Këto piksela duhet të shtrëngohen kështu me njeri tjetrin dhe kjo sjell pasoja. Zhurma paraqitet në ISO të lartë dhe fotot në ndriçim të ulët dalin keq.
Pasi pikselat më të vegjël marrin më pak dritë, programi i kamerës duhet të futet të rregullojë zhurmën dhe ndriçimin ta bëjë të duket më i natyrshëm, sidomos në lentet me pikselim më të lartë.
Më shumë rëndësi ka sensori, shpejtësia dhe cilësia e lentes është faktor më i rëndësishëm. E meqë një sensor kufizohet nga hapësira e trupit të smartphonit, rol integral zë edhe programi proçesues. Proçesimin më të mirë deri tani e dëshmon Google dhe Huawei të cilat janë të pakonkurueshme në industri. Shumë merita i shkojnë edhe Sony, sensorët CMOS të së cilës përdoren nga gati të gjithë përveç Samsung.
Nëse pikselat e shumtë duhen për diçka ajo është aftësia e zmadhimit. Qoftë digjitale apo optike, të pasurit një numër të lartë pikselash në dispozicion lejon që kropimi i fotos të mos himbasë cilësi. Por a të duhet vërtetë një teleskop, dylbi apo një aparat që të nxjerrë foton e duhur në menaxhim me distancën që ke nga objektivi.
Shumë piksela në një smartphone nuk janë diçka e keqe, ama nëse kërkon të dish cila do jetë kamera me performancë më të mirë duhet të shohësh kritikat nga ata që kanë pasur mundësinë t’a provojnë atë smartphone që dëshiron të blesh.
