Në fushën e teknologjisë Apple dhe Google janë dy nga kompanitë më të fuqishme në treg. Google njihet si motori i kërkimit më i përdorur në botë, dhe asnjë motor tjetër kërkimi nuk i afrohet në klasifikim. Megjithatë kjo gjë mund të ndryshojë së shpejti.
Disa raportime të reja kanë treguar se Apple është gati të sfidojë Google përmes një motori kërkimi me në qendër përdoruesin që pritet të lançohet në janar të vitit 2023.
Bloger-i i njohur i teknologjisë, Robert Scoble, tregoi se këto raportime nuk janë të reja dhe se kompania është lidhur dhe më parë me disa lançime të rëndësishme. Për momentin, produkti kryesor ku Apple është fokusuar është AR/VR Headset.
WWDC 2022 do të jetë shumë i rëndësishëm për Apple, pasi ai pritet të jetë dhe më i shtrenjti për sa i përket produkteve që do të lançohen gjatë këtij eventi. Për të mësuar më tepër rreth motorit të kërkimit që mund të sjellë “fundin” e epokës Google, do të na duhet të presim deri në janar të vitit të ardhshëm.
