Prej kohësh tregohet se Nothing po punon për të sjellë në treg një palë kufjesh wireless të reja. Mirëpo para se të vinte prezantimi zyrtar, dizajni i plotë i Ear (Stick) është zbuluar përmes një videoje hands on.
Prodhuesi i smartphone-ve i reklamoi këto kufje dhe gjatë London Fashion Week, duke përfituar nga dizajni i kutisë si një buzëkuq. Duke shikuar imazhet e reja, ne mund të dallojmë një kuti në formë cilindrike në të cilën ruhen kufjet Ear (Stick). Kjo formë është dizenjuar për t’u futur sa më lehtë nëpër xhepa.
Në këtë video mund të shikohet dhe Errolson Hugh, dizenjuesi i njohur i kompanisë Acronym. Me aq sa kemi mësuar nga lajmet zyrtare, Nothing Ear (Stick) do të vijë në një format shumë të lehtë dhe do të jetë shumë e rehatshme për t’i mbajtur kufjet për kohë të gjata në vesh falë dizajnit ergonomik. Megjithatë me kalimin e kohës do të mësojmë dhe detaje të reja mbi specifikat e këtyre kufjeve.
Një tjetër element që mund të vëmë re në Nothing Ear (Stick) është dhe transparenca që e ka karakterizuar kompaninë që nga fillimet e saja. Kasa është e tejdukshme dhe ju mund të shikoni qartësisht kufjet e vendosura në pozicionin e tyre.
