Aktualisht Xiaomi ka nisur të mbledhë fondet për Xiaobai Blade Star, një derë smart e cila mund të hapet në 7 mënyra të ndryshme, ku përfshihen skanimi i shenjës së gishtit, skanimi 3D i fytyrës, NFC dhe password. Kjo derë ka 2 ekrane, atë të jashtëm 5” dhe një të brenshëm 10.1” si një tablet.
Kjo pajisje ka më tepër se 2.800 komponentë, dhe proçesori 8 core MediaTek Kompanio bën të mundur përdorimin e teknologjisë së skanimit 3D të fytyrës, e cila e identifikon një person brenda 0.3 sekondash. Xiaomi thotë se kjo teknologji ka një marzh gabimi 0.0001% dhe mund të regjistrojë deri në 255 fytyra të ndryshme 0.3-1 metër larg.
Dera smart vjen me disa sensorë të ndryshëm, kamera 1080p me kënd super të gjërë 150 gradë, kamera me rreze infra të kuqe për night vision dhe sensorin PIR. Përmes mikrofonit të instaluar në derë, ju mund t’i përgjigjeni personave të ndryshëm që gjenden në derën tuaj.
Tashmë ju nuk do ta harroni më kurrë derën hapur, pasi aplikacioni do t’ju njoftojë menjëherë. Dera është e përbërë nga një shtresë hekuri e përforcuar dhe është 90mm e trashë.
Ju mund të porosisni këtë në ngjyra dhe madhësi të ndryshme për $1,255. Pas një periudhe kohore të caktuar, çmimi i derës smart do të shkojë në $2,040 dhe dorëzimi i pajisjeve do të nisë nga 11 qershori.
