Segway ka prezantuar një aksesor për speaker-in Ninebot Engine, në mënyrë që ju ta përdorni atë në skuterin tuaj elektrik. Ju mund ta konfiguroni këtë speaker që të prodhojë zhurma të ndryshme sa herë që ju përorni skuterin tuaj, duke përfshirë këtu dhe zhurmat e një motori V12.
Engine Speaker mund të montohet përmes sistemit të montimit në skuterat Segway, GoKart apo biçikletat elektrike. Në pamje të parë ajo duket sikur është një bateri ekstra për skuterin tuaj. Speaker ka një bateri 2,200mAh e cila mund të luajë zhurma deri në 23 orë dhe karikohet përmes portës USB-C. Engine Speaker ka gjithashtu një çertifikim IP55 për rezistencën ndaj pluhurit dhe ujit.
Pasi të keni lidhur me Bluetooth skuterin elektrik dhe speaker-in, ju mund të zgjidhni midis modaliteteve të ndryshme të motorëve që prodhojnë një zhurmë të veçantë: motor me një cilindër, 2 cilindra, V8 apo V12. Sa herë që ju të rrisni shpejtësinë, speaker do të prodhojë një zhurmë më të fortë, pra ajo i përgjigjet mjaft mirë komandave tuaja.
Speakeri Ninebot Engine përshtatet mjaft mirë me super skuterin e serisë GT nga Segway, që shkon nga 0 në 50km/h në vetëm 3.9 sekonda dhe ka një shpejtësi maksimale prej 70km/h.
