Gjatë kohëve të fundit po shikojmë gjithnjë e më shumë përdorues të Apple Watch që e vendosin orën e tyre në kyçin e këmbës, edhe pse vendi normal i mbajtjes së një ore është në kyçin e dorës. Madje kjo gjë është shndërruar në trend mes të rinjve në rrjetet sociale.
Mund të ekzistojnë arsye të ndryshme se përse përdoruesit preferojnë t’i vendosin këto pajisje inteligjente në kyçin e këmbës, si për shembull matja më e saktë e hapave gjatë ditës, megjithëse një gjë e tillë nuk është konfirmuar nga Apple.
Gjithashtu disa persona që kanë tatuazhe në kyçin e dorës besojnë se boja mund të interferojë në funksionin e sensorit të rrahjeve të zemrës, e cila është përmendur më parë në dokumentin e suportit të kompanisë. Apple tregon se disa tatuazhe mund të bllokojnë kalimin e dritës nga sensori i Apple Watch, duke e bërë të vështirë regjistrimin e rrahjeve të zemrës.
Probleme të tjera që përdoruesit e Apple Watch mund të kenë në momentin e mbajtjes së orës inteligjente në kyçin e dorës janë madhësia e orës, alergjitë e mundshme apo pamundësia e mbajtjes së kësaj ore për shkak të profesionit të tyre.
Pavarësisht përfitimeve, trendi ka çuar në keqkuptime. Një person tregoi rreth një incidenti që i ndodhi në palestër, ku dikush ngatërroi orën e saj të përdorur nga kyçi i këmbës me një monitorues të vendosur nga policia.
Megjithatë Apple vë në dukje në dokumentet e suportit se shërbimet kryesore të orës janë krijuar dhe testuar vetëm për përdorim të kyçit të dorës.
