Misioni më kompleks i NASA në Planetin e Kuq ka rezultuar i suksesshëm me uljen në kraterin Jezero. Tani është koha të fillojë testimi jetëgjatësisë së roverit.
Roveri më i madh dhe më i avancuar i NASA është ulur sot në Mars pas një udhëtimi prej 472 milionë kilometrash përgjatë 203 ditësh. Konfirmimi vjen nga NASA Jet Propulsion Laboratory në Kaliforninë e Jugut.
Drejtori i JPL Micharl Watkins tha “Ulja në Mars ishte një mision tepër i vështirë dhe jemi krenarë të vazhdojmë rrugën drejt suksesit. Ne e ndërtuam Roverin jo vetëm për t’u ulur por për të gjetur dhe grumbulluar mostrat shkencore më të mira për t’i analizuar në Tokë.”
Më shumë rreth misionit
Objektivi primar për këtë mision në Mars ishte kërkimi astrobiolog, duke përfshirë kërkimin për shenja të jetës mikrobiale antike. Roveri do të karakterizojë gjeologjinë e planetit dhe klimën dhe do të jetë misioni i parë që do të mbledhë gurë marsian. Misionet pasardhëse të NASA-s do të jenë dërgimi i spacecraft-eve në Mars për të marrë mostrat e mbledhura dhe për t’i rikthyer në Tokë për analiza.
JPL është një divizion i Caltech në Kaliforni i cili menaxhon misionin Mars 2020 Perseverance dhe teknologjinë demonstruese Ingenuity Mars Helicopter për NASA-n.
