Ndërkohë që vazhdon vizitat e tij në Europë, CEO i Apple Tim Cook ka dhënë një intervistë për median Bright. Gjatë kohëve të fundit ka një interesim mjaft të madh drejt AR, rëndësisë së mësimit të kodimit dhe ndryshimeve klimatike.
Për sa i përket AR, Cook shpjegoi se ndërkohë që në App Store ka disa aplikacione të ndryshme që përdorin AR, ka akoma shumë hapësirë për përmirësimin e teknologjisë. Mirëpo komentet e Cook mbi metaverse ishin disi më interesante. Dhe pse kompanitë e tjera po fokusohen aq shumë në metaverse, Cook beson se një person i zakonshëm me shumë mundësi nuk e din se çfarë metaverse është.
“Unë gjithmonë e them se është shumë e rëndësishme që njerëzit të kuptojnë thelbin e diçkaje. Dhe unë nuk jam aq i sigurtë se një person i rastësishëm mund të tregojë se çfarë është metaverse,” shpjegoi ai. Gjithashtu Cook theksoi se realiteti virtual mund të jetë një mundësi shumë e mirë, por nuk është një metodë për të “zhvilluar të gjithë jetën në të”.
Përveç komenteve mbi ndryshimet klimatike dhe kodimit, CEO i Apple tregoi dhe mendimin e tij mbi proçeset politike dhe ndikimin e tyre. “Teknologjia është në gjendje të shmangë problemet kryesore që prekin njerëzimin. Por unë kam një vlerësim tepër të madh për proçeset politike dhe njerëzit e zgjedhur që na shërbejnë.”
