Një tjetër prototip Starship shpërtheu në mëngjesin e ditës së martë gjatë tentativës së rradhës nga SpaceX për ta ulur atë në mënyrë perfekte.
Pasi SN11 arriti lartësinë e duhur, motorët u fikën dhe rënia e lirë filloi, mirëpo diçka shkoi keq gjatë uljes së Starship-it. CEO i SpaceX, Elon Musk tha përmes një tweet-i se do të zbulojnë arsyen e këtij problem pasi të ekzaminojnë mbetjet e kësaj rakete. Me shumë mundësi një nga motorët kishte njëproblem gjatë ngritjes dhe nuk arriti të performojë ashtu si duhet gjatë manovrës së uljes.
Final view of SN11 in the air:
➡️https://t.co/Q2p3q1HS0i pic.twitter.com/PNJta9svkA
— Chris B – NSF (@NASASpaceflight) March 30, 2021
Starship është gjenerata e re e raketave nga SpaceX, të cilat janë të dizenjuara për të transportuar njerëzit dhe 100 ton material në Hënë dhe Mars. Prototipi 16-kat i lartë është vetëm gjysma e pjesës së plotë, pasi gjysma e poshtme do të përbëhet nga një booster shumë i rëndë i cili do të ndihmojë në lançimin e pjesës kryesore dhe më pas do të rikthehet.
SpaceX tentoi të testonte SN11 javën e kaluar por testimi u shty për shkak të disa inspektimeve të shtuara.
