Teknologjia e shumëpërfolur e gomave pa ajër e zhvilluar nga NASA për roverët e saj hapësinor, e komercializuar më vonë për përdorim tokësor nga SMART Tire Company (STC), tani është e gatshme për shitje.
Sipas një fushate Kickstarter, gomat SMART METL të dizenjuara për biçikleta kanë rezistencë minimale në rrotullim (ju lodhin më pak), nuk kërkojnë presion ajri, drejtohen pa probleme si gomat pneumatike dhe zgjasin sa vetë mjeti që i përdor. Ata gjithashtu duken jashtëzakonisht elegante. Modeli fitoi dy çmime inovacioni në Consumer Electronics Show (CES) të këtij viti në Las Vegas në dy kategori: Vehicle Tech & Advanced Mobility and Sustainability, Eco-Design & Smart Energy.
“Ne po ndërtojmë fillimisht një gomë biçiklete sepse na lejon të zhvillojmë aftësitë kryesore dhe të sjellim një produkt jashtëzakonisht të lezetshëm në duart e njerëzve më shpejt,” tha Brian Yennie, bashkëthemelues i STC. Tani për tani, firma do të shesë goma me opsione përmasash 700 x 32c, 35c dhe 38c për këtë lançim komercial të teknologjisë. Sipas prodhuesit, modeli 35c peshon 450 gram (16 oz), i cili është në të njejtën gamë peshe për gomat pneumatike me madhësi të ngjashme.
Bazuar në teknologjinë shape memory të NASA-s, çdo gomë METL ka një sustë qendrore që mbështillet rreth gomës. Ajo sustë është e përbërë nga NiTinol, një aliazh nikel-titanium me një memorie të formës që është elastike dhe e fortë si goma. Është e rëndësishme të theksohet se kur NiTinol tendoset, ai fillimisht deformohet përpara se të kthehet në formën e tij të mëparshme. Për shkak të kësaj veçorie, goma Metl mund të ngjeshet dhe të kthehet lehtësisht në formën e mëparshme, duke ofruar një udhëtim të rehatshëm të ngjashëm me një gomë pneumatike.
Firma uli kostot e materialeve me mbi 85% nga faza e prototipit dhe gomat pritet të kushtojnë rreth $100-$150. Do të duhet të presim dhe të shohim nëse kjo teknologji mund të revolucionarizojë industrinë.
