Përpara “pushimit 4 ditor” të CEO-s së OpenAI, Sam Altman, disa studiues të stafit i shkruan një letër bordit të drejtorëve ku i paralajmëronin për një zbulim të fuqishëm të inteligjencës artificiale që ata thanë se mund të kërcënonte njerëzimin, siç raporton Reuters.
Mendohet se kjo letër dhe algoritmi i AI ishin zhvillimet kryesore që nxitën bordin të merrnin një vendim të menjëhershëm për largimin e Altman. Përpara kthimit të tij triumfues të martën vonë, më shumë se 700 punonjës kishin kërcënuar se do të largoheshin dhe do t’i bashkoheshin përkrahësit të tij Microsoft (MSFT.O) në solidaritet me udhëheqësin e tyre të shkarkuar. Burimet cituan letrën si një ndër faktorët një liste më të gjatë ankesash nga bordi që çoi në shkarkimin e Altman, ndër të cilat ishin shqetësimet mbi reklamimin e avancimeve teknologjike përpara se të kuptoheshin pasojat e tyre.
Disa persona në OpenAI besojnë se projekti Q* (Q-Star) mund të jetë një zhvillim tepër i madh drejt asaj që njihet si inteligjenca e përgjithshme artificiale (AGI), tha një nga informatorët për Reuters. OpenAI i përcakton AGI si sisteme autonome që i tejkalojnë aftësitë e njerëzve në detyrat më të vlefshme ekonomikisht.
Duke pasur parasysh burimet e mëdha kompjuterike, modeli i ri ishte në gjendje të zgjidhte disa probleme matematikore, tha personi në kushte anonimiteti sepse nuk ishte i autorizuar të fliste në emër të kompanisë. Megjithëse niveli i problemeve matematikore nuk ishte shumë i avancuar, testet e tilla i bënë studiuesit shumë optimistë për suksesin e ardhshëm të Q*, tha burimi.
