Mëngjesin e djeshëm SpaceX lançoi në mënyrë të suksesshme një ekip të ri me 4 astronautë me anijen kozmike Crew Dragon, të cilët kanë si destinacion International Space Station (ISS). Ekipi prej 4 personash, të cilët po fluturojnë në hapësirë përmes një kompanie komerciale të quajtur Axiom Space, do të jetë ekipi i parë privat i astronautëve të cilët do të vizitojnë dhe do të jetojnë në laboratorin orbitues.
Misioni i tyre, i quajtur Ax-1, do të jetë misioni i parë nga 4 misionet e parashikuara të Axiom e cila do t’i kryejë në bashkëpunim me SpaceX. Qëllimi afatgjatë i Axiom është të krijojë një flotë me stacione hapësinore komerciale. Moduli i parë i Axiom Station në ISS planifikohet të lidhet në vitin 2024, para se ai të shkëputet dhe të qëndrojë më vete. Misioni Ax-1 dhe misionet e tjera po bëhen për të ndihmuar Axiom që të themelojë protokollet e nevojshme para se të kryejë misionet e para të fluturimit hapësinor më vete.
Në ekuipazh gjenden Larry Connor (themelues i The Connor Group), komandanti Michael Lopez-Alegria, një astronaut veteran i NASA që tashmë është astronaut drejtues në Axiom, Mark Pathy (CEO i MAVRIK) dhe Eytan Stibbe (themelues i Vital Capital).
Mediat raportojnë se astronautët paguan $55 milionë për të siguruar një vend në Crew Dragon, ndërkohë që Axiom po i paguan një shumë të papërcaktuar NASA-s për përdorimin e ISS.
