Kur vjen puna tek soundbars që ofrojnë riprodhimin e audios në kualitetin më të lartë, asnjë nga kompanitë e tjera nuk ka arritur të krijojë një produkt më të mirë se Sennheiser Ambeo. Sigurisht gjithë kjo performancë e veçantë vjen me një çmim prej $2,500.
Mirëpo tashmë gjatë IFA 2022, Sennheiser do të prezantojë një produkt të ri në linjën Ambeo, të quajtur Ambeo Soundbar Plus, i cili do të kushtojë më pak se produkti kryesor, vetëm $1,499.
Modeli Plus reklamohet si “soundbar-i i parë në botë 7.1.4 i vetëm”, i cili është më kompakt se produkti më i mirë i kompanisë. Mirëpo dhe me madhësi më të vogël, Ambeo Plus ofron të njejtin output 3D të zërit si Ambeo duke përdorur teknologjinë e krijuar në bashkëpunim me Fraunhoffer Institute for Integrated Circuits ISS.
“Vetë kalibrimi i Ambeo lexon karakteristikat akustike të dhomës ku ndodhet dhe më pas pozicionon 7 speaker-at dixhital përreth dëgjuesit, me 4 të tjerë mbi kokë. Përdoruesit arrijnë të përjetojnë thellësinë, impaktin dhe hapësirën e një teatri filmash në shtëpi, pa patur nevojën për kabllo apo speaker të tjerë ekstra.” tregon Sennheiser në deklaratën për shtyp.
Me sa duket Sennheiser vazhdon të sfidojë plot kënaqësi kompanitë e tjera të fuqishme si Sony, Sonos, Bose dhe shumë të tjera.
Për produktet më të reja nga IFA 2022, na ndiq këto ditë në Instagram pasi Geek Room dhe Neptun janë aty për të raportuar në kohë reale për të gjithë ndjekësit tanë.
