Snapdragon 8 Gen 2 solli një përmirësim mjaft të konsiderueshëm të performancës dhe efiçiencë shumë më të mirë të batersië së proçesori paraardhës, dhe ne tashmë sapo kemi mësuar se proçesori i ardhshëm do të ketë ambicie akoma dhe më të mëdha.
Raportimet e ndryshme në internet tregojnë se gjenerata e re e proçesorëve flagship nga Qualcomm do të vijë me një arkitekturë të re, duke rritur gjithashtu clock speeds në mënyrë të konsiderueshme.
Mendohet se Snapdragon 8 Gen 3 do të ketë një core Cortex-X4 CPU me shpejtësi të jashtëzakonshme 3.7 GHz, 5 cores të fuqishme për performancë dhe 2 cores të vogla për efiçiencë.
Digital Chat Station tregon se numri i këtij modeli do të jetë SM8650, ndërkohë që GPU do të quhet Adreno 750. Pritet që TSMC të vazhdojë prodhimin e proçesorëve në proçesin 4nm, por duke kaluar nga teknologjia N4 në N4P, që ofron një përmirësim të vogël në efiçiencë.
Arsyeja se përse TSMC nuk do të përdorë proçesin 3nm për të prodhuar proçesorët e rinj është shqetësimi rreth ciklit të prodhimit. Për momentin proçesi N4P është shumë i mirë dhe me kosto të ulëta, si dhe fabrikat në Taivan janë të gatshme që të prodhojnë në masë me këtë proçes.
