Shqipëria është gati të mbështesë idetë inovatore dhe digjitalizimin e mëtejshëm, pasi tashmë është pjesë e Rrjetit Evropian të Qendrave të Inovacionit (EDIH).
Me mbështetjen e Komisionit Evropian, Rrjeti EDIH përbëhet nga një komunitet ekspertësh të teknologjisë që punojnë së bashku për të ndihmuar bizneset dhe organizatat evropiane në rrugën e tyre drejt transformimit dixhital.
Kjo gjë u bë e ditur gjatë ditës së sotme në Piramidën e Tiranës, falë mbështetjes së Ministrisë së Ekonomisë, Kulturës dhe Inovacionit dhe partnerëve si Protik, Bashkia Tiranë, Bashkia Korçë, Outerlynx, Universiteti Europian i Tiranës, Pyramid Center dhe Vodafone Foundation.
Gjatë Innovation Hub u prezantua projekti “Digital Innovation Unit” (DIU), një projekt që synon të nxisë inovacionin dhe digjitalizimin në vend. Si pjesë e EDIH, ky projekt do të ofrojë mbështetje për të gjithë SME-të dhe startup-et në transformimin dixhital, ku më të favorizuar do të jenë projektet në AI dhe Cybersecurity përmes metodës Test Before Invest.
Tepër i rëndësishëm është krijimi i një modeli të qëndrueshëm biznesi për DIU, i cili do të bëjë të mundur nxitjen e suksesit dhe transformimin digjital në vend, ndërkohë që shkëmbejmë njohuri dhe sigurojmë akses në investime përmes bashkëpunimit me EDIH-të evropiane. Dhe pse mund të ketë një mungesë të aftësive digjitale në Shqipëri, kjo gjë mendohet se do të adresohet përmes trajnimeve të avancuara që do të ofrohen falë kësaj lëvizje.
Pra, të gjithë ju që dëshironi të zhvilloni ide dhe projekte të reja në fushën e teknologjisë dhe dëshironi të sillni në treg një produkt inovativ, projekti DIU është gati t’ju ndihmojë në rrugëtimin tuaj drejt suksesit.
