Shkencëtarët në Harvard kanë provuar ekzistencën e një gjendjeje tërëisht të re të materies, e cila mund të transformojë studimet shkencore dhe të na çojë drejt gjetjes së një kure për sëmundjet si Alzheimer.
Ekipi nga universiteti i Massachusetts vërtetoi teorinë 50 vjeçare e ekzistencës së substancës së quajtur “quantum spin liquid”. Grimcat e kësaj substance janë të vendosura shumë larg njëra me tjetrën, por mbeten të lidhura për shkak të aftësive magnetike të atomeve.
Rëndësia e gjendjes së re “quantum spin liquid” qëndron në faktin se ajo mund të na ndihmojë në përshpejtimin e zhvillimit të kompjuterave të rinj kuantikë. Këto kompjutera do të jenë në gjendje të zgjidhin probleme shumë herë më shpejt se sa kompjuterat e sotshëm. Shkencëtarët parashikojnë se kompjuterat kuantikë do të ndihmojnë në transformimin e mjekësisë, duke prodhuar kura të reja për sëmundjet që aktualisht nuk mund të shërohen efektivisht si Alzheimer.
Për herë të parë quantum spin liquid u parashikua nga fizikanti Philip W. Anderson në 1973, por kjo gjendje nuk ishte observuar asnjëherë në eksperimente. Megjithatë, në vend që të provonin ekzistencën e materies në letër, ekipi nga Harvard vendosi ta krijonte atë në laborator.
Giulia Semeghini tregoi se kompjuterat standard kuantikë përdorin “qubits” (grimca që kodojnë informacionin) të cilat janë shumë të ndjeshme nga lëvizjet. Me quantum spin liquids, në të ardhmen mund të krijohen “topological qubits” të cilat e ruajnë informacionin në formën e sistemit që është shumë e fortë dhe e qëndrueshme.
