Një studim i kryer nga shkencëtarët në Queen Mary University of London përfshiu analizimin e 2.6 milionë postimeve në një rrjet social të mirënjohur, Nextdoor. Ishte mjaft surprizues fakti se si këta shkencëtarë arritën të parashikonin me saktësi pasurinë e këtyre përdoruesve, thjesht duke u bazuar në postimet që përdoruesit publikonin në platformë.
Shkencëtarët vunë re një ndryshim midis përmbajtjeve të publikuara nga personat që jetonin në lagjje më të “pasura” në krahasim me të tjerat. Gjithashtu këta persona që jetojnë në lagjje të pasura publikonin më tepër përmbajtje pozitive, por diskutonin më tepër në profilin e tyre rreth krimit, dhe pse shkalla e krimit në ato hapësira nuk është aq e lartë sa në lagjjet e varfra (rreth 1.3 herë më e ulët).
Për sa i përket llojit të krimeve më të diskutuara, krimet jo të dhunshme ishin më të diskutuarat. Këto të dhëna ishin shumë të ngjashme midis përdoruesve që jetonin në SHBA dhe Mbretërinë e Bahskuar, vetëm se në SHBA kishte më tepër diskutime rreth armëve ose krimeve të dhunshme.
Kjo njohuri mbi pasurinë e përdoruesve mund të jetë shumë e rëndësishme për kompani të ndryshme reklamimi, të cilat arrijnë të përshtasin reklamat në varësi të fuqisë ekonomike të përdoruesve.
