Apple prezantoi AirPods 8 vjet më parë, dhe që nga ajo kohë janë shndërruar në një burim të madh të ardhurash për kompaninë. Vetëm përmes shitjeve të AirPods, Apple siguron më shumë të ardhura se kompani të tjera mjaft të njohura, si përshembull Nintendo.
Bloomberg vlerëson se shitjet e AirPods kanë tejkaluar $18 miliardë në vit që nga viti 2021. Për ta vënë këtë numër në perspektivë, ai tejkalon shitjet totale neto të raportuara të Nintendo për vitin 2023 (afërsisht 10 miliardë dollarë). Për më tepër, llogaritet se AirPods gjeneruan më shumë të ardhura sesa fitimet totale vjetore për kompani si Spotify, eBay, Airbnb, DoorDash dhe OpenAI.
Edhe pse numrat përfaqësojnë vetëm të ardhurat dhe nuk pasqyrojnë fitimin neto, ato tregojnë rëndësinë në rritje të AirPods brenda linjës së produkteve të gjigantit Cupertino. Bloomberg parashikon që AirPods ka të ngjarë të shitet më tepër se iPad, duke u bërë produkti i tretë më fitimprurës i Apple pas iPhone dhe Mac.
Çmimi është faktori kryesor, pasi AirPods janë shumë më të lira se iPad dhe Mac. Përafërsisht 40% e përdoruesve të iPhone përdorën gjithashtu AirPods në 2022. Meqenëse ka rreth 1.5 miliardë iPhone aktivë, kjo është 600 milionë përdorues të Airpods. Përqindja mund të rritet në 52% deri në vitin 2027 dhe 60% deri në vitin 2030, duke nënkuptuar një rritje vjetore prej 12% të shitjeve për kufjet, duke supozuar se shitjet e iPhone do të rriten me 5% në atë hark kohor.
AirPods janë shumë të përdorura nga adoleshentët dhe të rinjtë, pasi rreth 62% e klientëve të Gen-Z midis moshës 18 dhe 24 vjeç i zotërojnë ato. Një tjetër fenomen që nxit shitjet e AirPods është humbja e shpeshtë apo dëmtimi i tyre. Sipas CBS, klientët shpenzojnë mbi $500 milionë çdo vit për t’i zëvendësuar ato.
