Samsung Electronics mori gjithsej 71 çmime, duke përfshirë tre çmime Gold, në International Forum (iF) Design Award 2022, një konkurs ndërkombëtar gjerman i dizajnit. Samsung Electronics mori çmime Gold për projektorin e tij portativ Freestyle, telefonin celular Galaxy Z Flip3 dhe fshesën me korrent Bespoke Slim. Këtë vit Samsung mori numrin më të madh të çmimeve ndërmjet 11,000 aplikantëve nga 57 vende.
E themeluar në vitin 1953 si Die Gute Industrieform e.V., iF Design Award kryen vlerësime gjithëpërfshirëse të diferencimit dhe ndikimit, ndër të tjera, në një total prej nëntë kategorish – Produkt, Paketim, Komunikim, Koncept Profesional, Arkitekturë e Brendshme, Arkitekturë, Dizajn Shërbimi, Përvoja e Përdoruesit (UX) dhe Ndërfaqja e Përdoruesit (UI).
“Është e rëndësishme që një dizajn të ndërlidhë vlerat në ndryshim me teknologjitë inovative,” tha Jinsoo Kim, Zëvendës President Ekzekutiv në Qendrën e Dizajnit të Korporatës në Samsung Electronics. “Ne jemi të përkushtuar të ofrojmë një përvojë kuptimplotë që përmbush kërkesat e ndryshme të klientëve dhe përmirëson cilësinë e jetës sonë.”
Tre produkte fituese të çmimeve Gold të njohura për dizajne që ofrojnë përvoja të personalizuara që përshtaten me stile të ndryshme jetese
Freestyle është një projektor portativ që mund të shfaqi përmbajtjen deri në 254 cm në gjatësi diagonale në varësi të mjedisit ku përdoret, qoftë në mur, në tavan apo në dysheme ndërsa rrotullohet 180 gradë.
Falë dizajnit të tij të lehtë dhe minimal, Freestyle mund të mbahet lehtësisht në njërën dorë dhe mund të përdoret me lehtësi si në ambientet e brendshme ashtu edhe të jashtme. Në varësi të çdo stili jetese, ai mund të përdoret gjithashtu si një altoparlant Bluetooth ose si një ndriçues ambienti që mund të ndriçojë në ngjyra të ndryshme.
Galaxy Z Flip3 u vlerësua për dizajnin e tij ikonik dhe kompakt, i cili vjen me veçori premium dhe përvoja ekskluzive të palosshme, duke ofruar një përvojë vërtet të personalizuar të smartphone-t. Me faktorin unik të formës së Galaxy Z Flip3, përdoruesit mund të shijojnë përvojën e plotë të telefonit inteligjent kur shpaloset dhe dizajnin e përshtatshëm me madhësinë e xhepit kur paloset në gjysmë. Jo vetëm që dizajni është i rafinuar duke ofruar një ekran të madh, por gjithashtu maksimizon përdorshmërinë duke i lejuar përdoruesit të shikojnë njoftimet dhe të shkrepin një foto të shpejtë edhe kur paloset.
Fshesa me korrent The Bespoke Slim fitoi gjithashtu çmimin Gold për dizajnin e saj të thjeshtë që përzihet mirë me hapësirën përreth. Koncepti Bespoke, i cili sjell produkte të personalizuara për t’iu përshtatur stilit të jetesës dhe shijeve, u aplikua edhe në këtë produkt, duke përmirësuar përvojën gjatë gjithë procesit të pastrimit.
Gjithsej 71 çmime, nga produkti te dizajni UX, duke përfshirë televizorët, pajisjet elektroshtëpiake dhe smartphone-t.
Me modelet e tij të njohura në të gjitha kategoritë në iF Design Award 2022, duke përfshirë produktin dhe ndërfaqen e përdoruesit (UI), Samsung Electronics fitoi numrin më të madh të çmimeve, plot 71 çmime.
Përveç tre çmimeve Gold, Neo QLED 8K, Frigoriferi me dyer franceze Bespoke dhe Galaxy Buds2 fituan gjithashtu çmime në kategorinë e produkteve.
One UI 4, ndërfaqja e re e smartphone-ve Galaxy që u mundëson përdoruesve të personalizojnë pajisjet e tyre dhe Galaxy Upcycling at Home, i cili i lejon përdoruesit të ndërtojnë një shtëpi inteligjente duke ricikluar telefonat e papërdorur Galaxy në pajisjet Home IoT, u njohën gjithashtu për përsosmërinë e dizajnit.
