Përgjatë vitit të fundit kemi parë një sukses mjaft të madh të Snapdragon 8 Gen 2, i cili është përdorur në shumicën e smartphone-ve flagship nga kompani të ndryshme si Samsung, Xiaomi apo OnePlus. Mirëpo me sa duket kompania ka nisur punën për të prezantuar gjeneratën e re të këtyre proçesorëve, dhe informacionet e para sapo janë zbuluar nga leaker-i Kuba Wojciechowski.
I njohur ndryshe dhe si SM8650, Snapdragon 8 Gen 3 mund të prezantohet gjatë fundit të këtij viti me një përmirësim të konsiderueshëm në krahasim me Gen 2. 8 cores që do të gjenden në Gen 3 do të përdorin dizenjot e reja ende të paprezantuara nga Arm, si dhe do të ndryshojnë konfigurimin e performance cores.
? Qualcomm Snapdragon 8 Gen 3 to come with 2+3+2+1 next-gen Arm cores, Adreno 750, more: leak ? pic.twitter.com/TAYu8GsDto
— Kuba Wojciechowski :3 (@Za_Raczke) March 23, 2023
Të pranishëm do të jenë dy core të serisë Cortex-A500 (1 më pak se në Snapdragon 8 Gen 2), 5 cores Hunter A700 (3 prej të cilave do të jenë “Gold”, ndërsa 2 “Titanium”), si dhe një core i serisë Hunter ELP X. Wojciechowski tregoi se nuk e ka mësuar ende se çfarë cilësish do të ofrojë ky core titanium, por hamendësoi se mund të jetë i përshtatur me një clock speed më të lartë.
Proçesori i ri do të njihet nga punonjësit si Lanai ose Pineapple, emra që u zbuluan nga kodi i Qualcomm që tregon këtë referencë. Në këtë imazh tregohet se Snapdragon 8 Gen 3 do të suportojë vetëm arkitekturën 64-bit. Gjithashtu mësohet se GPU Adreno 750 do të ketë një clock speed prej 770MHz.
