Përgjatë viteve të fundit AR Headsets janë përmirësuar shumë, megjithatë ende nuk kemi një eksperiencë mjaft të mirë. Për t’i dhënë zgjidhje këtij problemi, Qualcomm ka krijuar Snapdragon Spaces – një platformë e re që do të ndihmojë zhvilluesit të krijojnë eksperienca AR të reja, e cila u prezantua gjatë eventit MWC 2022 ku Geek Room dhe Neptun ishin të pranishëm.
Me Snapdragon Spaces, Qualcomm i jep zhvilluesve të gjitha mjetet e nevojshme për të krijuar aplikime për AR Headsets dhe për t’i dërguar ato drejt konsumatorëve. Kompania tregon se platforma i ofron zhvilluesve “një teknologji të fuqishme perceptimi të makinerive që është i optimizuar për performancë dhe energji të pakët për gjeneratën e ardhshme të syzeve AR”.
Snapdragon Spaces mundëson teknologji të ndryshme si spatial mapping, njohje e objekteve dhe imazheve dhe kuptimi i skenave për të gjithë zhvilluesit që dëshirojnë të krijojnë eksperienca AR të cilat komunikojnë në mënyrë inteligjente me përdoruesin dhe ambientin që i rrethon.
Për të nxitur adoptimin, Qaulcomm ka pranuar Wikitude në “familjen” e saj, duke i ofruar mbi 150,000 zhvilluesve të këtij komuniteti akses në platformën e re zhvillimore të AR.
Qualcomm po bashkëpunon me prodhuesit e hardware-ve AR si Lenovo, Motorola, Oppo, dhe Xiaomi për të suportuar Snapdragon Spaces duke filluar nga gjysma e parë e vitit të ardhshëm.
Për të nxitur më tepër zhvilluesit që t’i bashkohen platformës, Qualcomm ka prezantuar Snapdragon Spaces Pathfinder Program, duke i dhënë atyre akses të hershëm në teknologjinë e platformës.
