Prototipi i Steve Jobs për kompjuterin Apple-1, kompjuterin origjinal desktop i Apple, aktualisht ka dalë në ankand në RR Auction. Ky kompjuter është salduar nga vetë bashkë-themeluesi i Apple Steve Wozniak në 1976.
Deri ditën e shtunë shifra e ofruar për këtë prototip ka shkuar deri në $278,005, megjithatë duhet të theksojmë se ka ende dhe 1 muaj kohë të mbetur për të marrë pjesë në këtë ankand.
Prototipi i kompjuterit të parë Apple u përdor për të siguruar porosinë e parë të madhe të Jobs dhe Wozniak në 1976, kur themeluesit e Apple krijuan një pajisje për pronarin e dyqanit Paul Terrell. Kjo pajisje ka disa dëmtime shumë të vogla, duke përfshirë këtu dhe një thyerje të vendosur pranë zonës së ushqyesit, sipas listimit.
Megjithatë ky mbetet një produkt shumë i rrallë dhe çmimi final për këtë pajisje mund të shkojë deri në $500,000, duke u bazuar në ankandet e mëparshme. Vitin e kaluar, një kompjuter i rrallë Apple-1 i krijuar në shtëpinë e Jobs u shit për $400,000. Ky kompjuter ishte vetëm një ndër 200 të tillët të dizenjuar nga Wozniak. Një tjetër Apple-1 u shit në Londër për $470,000 në 2020.
“Shumë pak produkte të Apple mund të konsiderohen të rralla ose historike si prototipi i Apple-1, i cili kaloi shumë kohë në ‘Garazhin e Apple’.” tregohet në listim.
