SpaceX bëri histori teksa ngjiti në Stacionin Hapësinor Ndërkombëtar dy austronautë të NASA me një raketë të ripërdorshme. Dhe që këtu rruga dikton vetëm për lart, drejt vështirësive akoma më të mëdha.
Misioni i radhës për kompaninë është ndërtimi i Starship, gjeneratës së re të anijes kozmike.
Sipas një emaili të dërguar nga Elon Musk drejt skuadrave të SpaceX, ky do të jetë prioriteti i tyre, me përjashtim të kthimit shëndoshë e mirë të austronautëve Dough Hurley dhe Bob Behnken asgjë tjetër nuk duhet ti shpërqëndrojë.
Starship ka qenë në zhvillim prej 2019 në Boca Chica, Texas, por së pari kish qenë duke u punuar nga një skuadër paralele në Florida. Skuadrat kanë bashkuar fuqitë tashmë për të përmbushur sa më shpejtë misionin.
Anija do të jetë një mjet totalisht i ripërdorshëm dhe do të mundësojë njëkohësisht transportin e mallrave dhe pasagjerëve. Dhe do të bëjë udhëtime në orbitën e Tokës, destinacione hapësinore dhe Marsin apo Hënën kur të bashkpunojë me booster-in raketë Super Heavy.
Aktualisht kompania është duke testuar prototipin e pestë SN5. Ndërtimi i motorrit Raptor ka qenë i suksesshëm, por vështirësitë e hasura kanë të bëjnë me vetë veturën, e cila ka dështuar disa herë nga provat e presionit ose së fundmi nga zjarri i motorrit.
Por çfarë e bën Musk të ngutet teksa kërkon më shumë dedikim nga të gjithë? Epo së fundmi SpaceX është përzgjedhur nga NASA për të qenë pjesë e planit të saj për uljen në Hënë ku Starship do të bëjë miljet e fundit të sistemit të transportit nga Lunar Gateaway në sipërfaqjen e Hënës.
