Në muajin tetor, Tirana do të kthehet në kryeqendrën e inovacionit në Ballkan, ndërsa Plug and Play Tirana organizon finalen madhështore të programit të saj akselerator: Plug and Play Tirana Expo 2025. Ngjarja do të zhvillohet më 16 dhe 17 tetor, në ambientet ikonike të Piramidës së Tiranës, tashmë transformuar në një hub të dedikuar për teknologjinë dhe sipërmarrjen.
Ky Expo është kulmi i një cikli 8-mujor mentorimi intensiv për startup-e të përzgjedhura nga Shqipëria dhe rajoni. Ato do të prezantojnë idetë, produktet dhe arritjet e tyre përpara një audience të përbërë nga investitorë, korporata ndërkombëtare, ekspertë të industrisë dhe dashamirës të teknologjisë.
Çfarë pritet në Plug and Play Tirana Expo?
• 22 Startup-e do të prezantojnë idetë dhe zgjidhjet teknologjike që adresojnë sfida tëndryshme në fusha si AI, shëndetësi, fintech, cybersecurity, agritech dhe real estate.
• Një ekspozitë do të mirëpresi vizitorët të cilët mund të takojnë nga afër themeluesit dhe të testojnë produktet e tyre.
• Fjalime frymëzuese dhe panele diskutimi me pjesëmarrjen e folësve vendas dhe ndërkombëtarë nga ekosistemi global i inovacionit.
• Networking që jep një mundësi të artë për të krijuar lidhje me investitorë, partnerë strategjikë dhe profesionistë të industrisë teknologjike.
Një pasqyrë e ekosistemit të ri shqiptar të startup-eve
Plug and Play Tirana është një degë e platformës globale Plug and Play Tech Center, me seli në Silicon Valley, e cila vepron në mbi 60 qytete në mbarë botën. Përmes bashkëpunimit me Fondacionin Shqiptaro-Amerikan për Zhvillim (AADF), Bashkinë e Tiranës, IDEMIA dhe partnerë të tjerë strategjikë, programi ka sjellë për herë të parë në Shqipëri një qasje të strukturuar të akselerimit të startup-eve.
Nga mbi 100 aplikime, 22 startup-e janë përzgjedhur për t’u mentoruar nga ekspertë ndërkombëtarë dhe për të ndërtuar një produkt të gatshëm për treg. Expo shërben si një dritare për të demonstruar rezultatet e këtij rrugëtimi, dhe si një urë lidhëse me botën e investimeve dhe bashkëpunimeve globale.
Gati për Plug and Play Silicon Valley Summit 2025
Një nga momentet më të rëndësishme të Plug and Play Tirana Expo 2025 do të jetë përzgjedhja e 10 startup-eve më të suksesshme, të cilat do të fitojnë të drejtën për të marrë pjesë në Plug and Play Summit në Silicon Valley.
Këto startup-e do të ndjekin një program ekskluziv 6-javor në një nga qendrat më prestigjioze të inovacionit në botë, një përvojë intensive me mentorim, trajnime dhe takime me investitorë dhe korporata globale.
Kulmi i kësaj eksperience do të jetë samiti më i rëndësishëm i vitit, ku Plug and Play mbledh në një vend të vetëm startup-e të nivelit të lartë, investitorë nga e gjithë bota, partnerë strategjikë dhe liderë të industrisë.
Shqipëria pritet të përfaqësohet denjësisht për herë të parë në këtë ngjarje të përmasave ndërkombëtare duke bërë një hap konkret drejt vendosjes së vendit tonë në hartën globale të inovacionit.
Pse duhet të jesh në Plug and Play Tirana Expo 2025?
Nëse jeni një sipërmarrës, një profesionist në teknologji, një student që kërkon frymëzim apo thjesht kurioz për të parë nga afër si po transformohet realisht ekosistemi digjital shqiptar, Plug and Play Tirana Expo është ngjarja që nuk duhet humbur. Kjo është një mundësi për të zbuluar zgjidhje të reja teknologjike “Made in Albania”, marrë frymëzim nga rrëfime reale sipërmarrjeje, krijuar kontakte me liderë të industrisë, dhe mbi të gjitha, për të qenë pjesë e një momenti kyç në historinë e inovacionit shqiptar.
