Filmat me luftra moderne dhe superheronj shfaqin pafund ide futuristike se si do të jenë armët e së ardhmes, një prej të cilave mbetet padyshim nga më të preferuarat tona: lazeri.
Dhe pikërisht kjo teknologji tashmë falë Marinës Amerikane do të bëjë pak më shumë se sa heqje tatuazhesh apo qimesh.
Flota e Marinës së Paqësorit ka shfaqur për herë të parë përpara botës një armë të re me foto e video të cilat tregojnë USS Portland duke ekzekutuar “implementimin e parë të një lazeri solid-state të klasës së energjisë së lartë” i përdorur për të neutralizuar drone dhe trupa qiellorë.
Marina ka refuzuar të japë detaje mbi fuqinë e saj por një raport i 2018 indikon 150- kilowat.
Gjithashtu edhe lokacioni ku është zhvilluar testi mbetet i pa specifikuar, gjithçka deklarohet është: 16 Maj Oqeani Paqësor.
Pamjet tregojnë rrezen e cila vjen nga bordi i luftanijes, e më pas dronin që rrëzohet në flakë prej tij.
Ky armatim po quhet “direct energy weapon” DEW (armë me energji të drejtpërdrejtë) fusha ku do të përdoret do të jenë anije të vogla ose drone.
E frikshme se deri ku mund të shkojë teknologjia ushtarake, 2 gjëra janë të qarta ama: në rast sulmi alienësh do jemi më të përgatitur dhe nëse lufta e tretë botërore do ndodhë,gjëra të frikshme do të na shohin sytë.
