Pamjet e laptopëve Samsung Galaxy Book Pro dhe Pro 360 publikohen jo-zyrtarisht

Pamjet e dy laptopëve që do të vijnë nga Samsung u publikuan në mënyrë jo zyrtare, duke na dhënë një ide majft të qartë rreth këtyre pajisjeve.

Evan Blass, një leaker i besueshëm publikoi këto pamje dhe thotë se Galaxy Book Pro dhe Galaxy Book Pro 360 mund të lançohen gjatë muajit prill. Galaxy Book Pro do të jetë i aksesueshëm në ngjyrat blu dhe argjend ndërsa Book Pro 360 në ngjyrat blu të errët dhe të artë.

Të dy laptopët do të ofrojnë versione me ekran 13 dhe 15 inç. Blass konfirmon se ato do të ofrojnë suport për S Pen Stylus, një portë USB-C, headphone jack dhe vend për kartë micro-SD. Versioni Pro do të përfshijë dhe një portë ekstra USB-A.

Disa nga raportimet e SamMobile dhe WalkingCat zbuluan prezencën e një paneli OLED, porta Thunderbolt 4 dhe suport për LTE. Proçesorët e përdorur do të jenë të gjeneratës së 11 të Intel dhe version Pro mund të vijë me kartë grafike Nvidia MX450. Sipas WalkingCat, Galaxy Book Pro do të prezantohet në maj bashkë me një laptop ARM-based të quajtur Galaxy Book Go.