OpenAI po planifikon të tarifojë deri në $20,000 në muaj për “agjentët” e specializuar të AI, sipas The Information.
Publikimi raporton se OpenAI synon të lançojë disa “agjentë” të përshtatur për aplikime të ndryshme, duke përfshirë software engineering dhe aftësi më të gjëra. Në bazë të aplikimit, çmimi mund të ndryshojë gjithashtu.
Një “agjent i njohurive me të ardhura të larta” (sic quhet nga kompania), thuhet se do të kushtojë $2,000 dollarë në muaj. Një tjetër agjent me aftësi të larta në zhvillimin e softuerit, thuhet se mund të kushtojë deri në $10,000 dollarë në muaj.
Agjenti më i shtrenjtë i përfolur i OpenAI, me çmim në nivelin e lartpërmendur $20,000 dollarë në muaj, do të synojë të mbështesë “studime të nivelit të doktoraturës“, sipas The Information. Është e paqartë se kur mund të jenë të aksesueshëm këto shërbimet ose cilët klientë do të kenë të drejtë t’i blejnë ato.
Por The Information vëren se SoftBank, një investitor OpenAI, është zotuar të shpenzojë $3 miliardë për produktet e agjentëve të OpenAI vetëm këtë vit.
OpenAI ka nevojë për para, pasi humbi afërsisht $5 miliardë vitin e kaluar pas pagesës së kostove që lidhen me funksionimin e shërbimeve të saj dhe shpenzimet e tjera.
