Edhe pse seria GeForce 50 mund të konsiderohet si një produkt problematik, kjo gjë nuk ka penguar suksesin në rritje të Nvidia. Pavarësisht konkurrencës së fortë nga AMD, kritikave të shumta dhe mungesës së ofertës me çmime të arsyeshme, Nvidia ka arritur një dominim historik të tregut.
Sipas Jon Peddie Research, në tremujorin e parë të 2025, janë shitur 9.2 milionë GPU desktop dedikuara, me një rritje prej mbi 8% si në bazë vjetore ashtu edhe krahasuar me tremujorin e kaluar. Edhe pse si Nvidia, ashtu edhe AMD, prezantuan seri të reja, përfitimi më i madh i takoi Nvidia-s.
Në këtë periudhë, Nvidia shiti miliona GPU RTX 50, ndërsa AMD shiti më pak se 750,000 njësi të serisë Radeon 9000. Si pasojë, pjesa e tregut e Nvidia-s u rrit në një rekord prej 92%, duke e ulur AMD-në në 8%, ndërsa Intel mbeti jashtë tregut. Prodhimi në shifra të ulta nga AMD u citua si faktori kyç i këtij diferencimi.
AMD raportoi kërkesë “të paparë” për RX 9070 dhe 9070 XT në mars, duke e detyruar të përshpejtojë furnizimin. Për më tepër, AMD përballet me sfidën e balancimit të prodhimit mes GPU-ve Radeon dhe CPU-ve Ryzen 9000, që gjithashtu janë në numër të jo aq të madh.
Nga ana tjetër, Nvidia e rriti dominimin e tregu. Të ardhurat nga segmenti gaming arritën një rekord prej $3.8 miliardë, një rritje prej 42% nga viti në vit. Një faktor i rëndësishëm në këtë rritje është përdorimi i GPU-ve gaming për operacione të vogla AI.
Nga ana tjetër, AMD ka arritur më në fund të rivalizojë Nvidia-n në ray tracing dhe cilësinë e upscaling. Radeon 9070 XT, me VRAM më të madhe, tejkalon në disa raste RTX 5080 prej $1,000.
Raportet e ardhshme priten të zbulojnë më shumë mbi betejën në segmentin e GPU-ve mainstream, teksa AMD përpiqet të rrisë prodhimin dhe Nvidia mund të fokusohet më tepër tek çipat AI.
